FANONGONONGO LAKANGA ‘OKU ‘ATĀ KO E ‘OFISA TĀMATE AFI AKOAKO

‘Oku ou faka’apa’apa mo fanongonongo atu heni ‘oku fiema’u ke fai mai ha tohi tala ngaue ki he lakanga ‘oku ‘atä ko e ‘Ofisa Tamate Afi Akoako ‘i he Potungaue Tamate Afi mo e Me’a Fakafokifa ‘a Tonga.

Ko kimoutolu te mou tohi mai ki he lakanga ni ‘oku fiema’u kuo pau:

• Lava’i lelei ‘a e Sivi Fakamo’oni Ako ‘i he Form 6 pe ko ha sivi ‘oku toe ma’olunga ange – kau ki ai ‘a e Form 7, Certificate pea mo e Tipiloma;
• Ta’u motu’a ki he vaha’a ‘o e 18 – 25 (Kapau ‘oku ‘ova ho ta’u motu’a he 25 fiema’u ho’o taukei ngaue pe ko ha tohi fakamo’oni ako ‘i ha mala’e tekinikale)
• Tangata pe Fefine’i Fonua Tonga;
• Mo’ui Talangofua, Faitotonu mo ‘Ulungaanga lelei;
• Sino malohi, mo’ui lelei pea mo Longomo’ui;
• Polisi lekooti;
• Tohi Laiseni Faka’uli (Lolotonga Ngaue’aki) – ‘okapau ‘oku ke faka’uli
• Tohi Ta’u 
• Fu’u fiema’u ho’o poto’i ngaue makehe (hange ko e poto faka’enisinia, ngaue faka’uhila, ngaue fakasekelitali, ngaue fakakomipiuta mo ha toe ‘ilo fakatekinikale kehe pe)

Ko kinautolu te nau ma’u e lakanga ni te nau ‘i he tu’unga ‘Ofisa Tamateafi Akoako ‘i he ta’u ‘e 1 pea toki fakapapau’i ai ‘enau hoko ko e ‘Ofisa Tamate Afi tu’uma’u.

Ko e faingamalie ni ‘oku ‘atä ke fakahoko mai ha tohi tala ngaue ki ai he taimi ni pea ‘oua na’a toe tomui ange ‘a ho’o tohi talangaue ‘i he ‘aho Monite 23 Sepitema 2024 Taimi 4:30pm

Founga ki ho’o talangaue

1. Fiema’u ke ‘ave ‘a e foomu mei he ‘Apitanga Tamate Afi ofi taha kiate koe;
2. Fakafonu e foomu;
3. Pea ke fakapipiki mai ‘i ho’o foomu kole ‘a e:-
   1. La’ita Paasipooti ‘e 1
   2. Tatau ho’o tohi fakamo’oni Ako
   3. Tohi ta’u
   4. Polisi lekooti (Fakamuimui taha)
   5. Tohi mali (‘okapau kuo ke mali)
   6. Tohi Fakaongoongo lelei

Ko e tohi tala ngaue kotoa pe ke tohi’i ‘i he sila ‘a e “TOHI TALANGAUE KI HE TAMATE AFI MO E ME’A FAKAFOKIFA ‘A TONGA” pea ke fakatu’asila ia ki he;

KOMISIONA TAMATE AFI MO E ME’A FAKAFOKIFA

POTUNGAUE TAMATE AFI MO E ME’A FAKAFOKIFA ‘A TONGA

PO BOX 827

LONGOLONGO

TONGA